भ्रष्टाचारको आरोप लागेका पुर्व सिडियो अख्तियारको नियन्त्रणमा

काठमाडौँ ; दैनिक रुपमा भ्रष्टाचारको आरोप कर्मचारीहरु अख्तियारको फन्दामा परिरहेको अवस्थामा भर्खरै त्यस्तै घटना सार्वजनिक भएको छ ।

केही समय पहिला जिल्ला प्रशासन कार्यालय दोलखाका तत्कालीन प्रमुख जिल्ला अधिकारी खगेन्द्रप्रसाद रिजाललाई अनुसन्धानका लागि अख्तियार दुरुपयोग अनुसन्धान आयोगले नियन्त्रणमा लिइएको छ। सार्वजनिक अपराधका मुद्धामा प्रतिवादीसंग सिडिओ कार्यकक्षसंगैको गोप्य कोठामा घुस लिएका आधारमा उनी निलम्बनमा परेका थिए।

जिल्लाको मेलुङ गाउँपालिका ४ भेड्पुका ४० बर्षिया कुमार लामा प्रतिवादी रहेको अभद्र व्यवहार र कालिञ्चोक गाउँपालिका १ का २८ वर्षिया ईन्द्र पाख्रिन र उनका ५१ वर्षिया बाबु उदिम तामाङ प्रतिवादी रहेको सार्वजनिक सुरक्षा विरुद्धको मुद्धाका अभियुक्तहरुलाई थुनछेक बहसका क्रममा धरौटीमा रिहा गर्दा दोलखाका प्रमुख जिल्ला अधिकारी खगेन्द्र प्रसाद रिजालले महिना दिन अघि ९० हजार र ३५ हजारका दरले दुबै अभियुक्तका परिवारबाट १ लाख २५ हजार रुपैंयाँ घुस लिएका थिए।

अख्तियारका प्रवक्ता प्रदीपकुमार कोइरालाका अनुसार आज मंगलबार सह–सचिव समेत रहेका रिजाललाई नियन्त्रणमा लिइएको बताएका छन् ।

  •  
  •  
  •  
  •  
  •  
  •