के कारणले डण्डीफोर आउँछ जानीराखौँ ?

काठमाडौँ ; कुनै पनि मानिस किशोर अवस्थाको उमेरदेखि डण्डीफोरको समस्याले सताएको हुन्छ । प्रायजसो डण्डीफोरले मानिसको युवाअवस्थामा देखिने चमत्कार नै समाप्त पारिदिन सक्ने भएको हुनाले ।

डण्डीफोर बढी तेलीय छाला, हर्मोनको गडबडीका कारण, पेट सम्बन्धि समस्याका कारणले, चाँयाको कारणले वा तनावको कारणले हुने गर्छ । डण्डीफोर छाला मुनि भएको चिल्लो, ब्याक्टेरिया तथा पोल्ने तत्वहरूबाट बनेको हो ।

जब डण्डीफोरलाई निचरिन्छ, त्यसबाट यी सबै तत्वहरू बाहिर निस्केर, छालामा घाउ तथा संक्रमण समेत गराउने गर्छ । यसरी डण्डीफोर निचोरेर हट्नु भन्दा पनि छालामा नकारात्मक असर देखाउने गर्छ । डण्डीफोर निचोर्दा छाला पोल्नुका साथै छालामा कालो दागहरू समेत बस्ने गर्छ । डण्डीफोर निचरेर बसेको दाग सदाको लागि समेत बस्ने गर्छ ।

साथै, डण्डीफोर निचार्दा नङ तथा हातको ब्याक्टेरिया र अन्य फोहोर पनि मिसिने हुदा छालामा थप संक्रमण हुने सम्भावना बढेर जान्छ । डण्डीफोर फुटाएको ठाउँमा संक्रमण भएर बारम्बार त्यहि ठाउँमा फेरी डण्डीफोर आउने गर्छ ।

यदि डण्डिफोर निचार्ने इच्छालाई दबाएर राख्न सकियो भने त्यो १ हप्ताभित्र आफै हराएर जान्छ र छालामा दाग पनि बस्ने गर्दैन । कुनै कुनै डण्डिफोर पाकिसकेपछि आफै फुटेर जान्छ । आफै फुटेको डण्डीफोरले बसेको दाग पनि एक हप्ता भित्र हराएर जान्छ । डण्डिफोर आउनुमा धेरै कुराले भूमीका खेलेको हुन्छ ।

अनुहारमा लगाउने क्रिम, साबुन, फेसवास, चिल्लो खानेकुरा, प्रदुषणका कारणले अनुहारको छालामा डण्डिफोर निम्त्याइरहेको हुनसक्छ । त्यसैले आफूलाई के कुराले डण्डिफोर ल्याउछ भन्ने विचार अध्ययन अनुसन्धान गरेर त्यसको बारेमा जानकारी लिन आवश्यक लिनुपर्ने हुन्छ ।

  •  
  •  
  •  
  •  
  •  
  •